Podaqranın simptomları hansılardır?
Podaqra bir neçə il ərzində qanda sidik turşusunun səviyyəsi 6 mq/dl-dən və ya 300 mkmol/l-dən yuksək olduqda inkişaf edir. Xəstəliyin bu mərhələsi "hiperurikemiya" adlandırılır və heç bir simptom və ya əlamətlə özünü büruzə vermir.
Podaqranın ilk əlamət və simptomları çox zaman gecə vaxtı, oynaqlarda (adətən, ayaq baş barmağında) podaqra tutması kimi meydana çıxır.
Podaqra tutması zamanı sizdə aşağıdakı simptomlar ola bilər:
- oynaqda güclü ağrı;
- zədələnmiş oynağı hərəkət etdirməkdə çətinlik;
- zədələnmiş nahiyədə uzun müddət narahatlıq hissi, iltihab, şişkinlik və ya qızartı.
Podaqralı pasiyentlər üçün broşür
"Podaqralı pasiyentlər üçün broşür"ümüzdə podaqra barədə daha ətraflı oxuyun.
Hiperurikemiya müalicə olunmadıqda, çox sayda sidik turşusu kristalları oynaqların ətrafında, eləcə də qulaqlarda və ya dərialtı toxumada toplana bilər – bunlar "podaqra tofusları" və ya "tofuslar" adlanır.
Sizdə podaqra tutması və ya podaqranın simptomları meydana çıxdığı təqdirdə, həkimlə məsləhətləşin. Həkiminiz ağrını azaltmaq və xəstəliyi nəzarətdə saxlamaq üçün sizə müvafiq dərman preparatlarını təyin edəcəkdir. Podaqra tutmaları daha çox gecələr baş verdiyindən, bu halda təcili tibbi yardıma müraciət edin.
