Nə üçün həyat tərzinizi dəyişdirməlisiniz?
Gələcək podaqra tutmalarının qarşısını necə almaq olar?
Kəskin podaqra artritinin qarşısının alınması məqsədi ilə sidik turşusunun azaldılması üzrə ən azı 6 ay ərzində müalicə başladıldıqda, hər zaman kəskin podaqranın ağrıkəsicilər və digər dərmanlar vasitəsilə profilaktikası tövsiyə edilir. Bütün dünyada elmi cəmiyyətlər gələcək podaqra tutmalarının qarşısının alınması üçün birinci sıra dərman vasitəsi kimi kolxisini tövsiyə edirlər. Bu dərman ilk kəskin podaqra tutmasının başlanmasından sonra altı ay ərzində qəbul edilməlidir. Lakin kolxisin ürəkbulanma, qusma və ishal kimi əlavə təsirlərə malikdir. Bu əlavə təsirlərin intensivliyi və tezliyi kolxisinin dozasının aşağı salınması yolu ilə azaldıla bilər, bu zaman dərmanın effektivliyi əhəmiyyətli dərəcədə azalmır.
Podaqranın qarşısını necə almaq olar?
Müəyyən bir planın tərtib edilməsi və hədəflərin qoyulması həyat tərzində podaqranın qarşısını almağa kömək edən zəruri dəyişikliklərin edilməsinə nail olmağı asanlaşdıra bilər. Həyat tərzinizdə etməli olduğunuz dəyişikliklər barədə bir neçə faydalı məsləhət:
- Müntəzəm fiziki hərəkətlər sidik turşusunun səviyyəsini aşağı salır, metabolizmi stimullaşdırır və çəkini azaltmağa kömək edir. Gündə 20 dəqiqə gəzməyə və həftədə 2 dəfə tərləməyinizə səbəb olan fiziki hərəkətlər etməyə çalışın. Tədqiqatlar göstərir ki, gündə 10 000 addım gəzmək xəstəliklərin qarşısını ala və sizin sağlam qalmağınıza kömək edə bilər. Fiziki hərəkətlərlə məşğul olduğunuz zaman kifayət qədər maye qəbul etdiyinizə əmin olun.
- Sağlam çəkiyə/bədən kütlə indeksinə nail olmağa və onu qoruyub saxlamağa çalışın. Qırmızı ət və dəniz məhsullarının istifadəsi podaqranın yaranmasının daha yüksək riski ilə əlaqələndirilir, halbuki süd məhsullarında bu risk daha aşağıdır. Purinlə zəngin olan tərəvəzlərin orta dərəcədə istifadəsi podaqranın yaranmasının yüksək riski ilə əlaqələndirilmir. Alkoqol (xüsusilə pivə və spirtli içkilər) böyrəklərin sidik turşusunu orqanizmdən çıxarma qabiliyyətinə təsir göstərdiyindən, onların qəbulundan çəkinmək lazımdır.
Podaqranın profilaktikası üzrə bu tövsiyələr hiperurikemiyadan və ya podaqradan əziyyət çəkən pasiyentlər üçün nəzərdə tutulmuşdur. Podaqralı pasiyentlərdə tez-tez ürək-damar sisteminin yanaşı xəstəlikləri müşahidə olunur, buna görə də, bədənin ümumi fiziki səviyyəsinin yaxşılaşdırılması üçün həyat tərzinin dəyişdirilməsi məsləhət görülür.
